Zaate Herremenie Hel, Hoeg & Zaat  

Zaate Herremenie Hel, Hoeg & Zaat

Zaate Herremenie Hel, Hoeg & Zaat

Zaate Herremenie Hel, Hoeg & Zaat

Zaate Herremenie Hel, Hoeg & Zaat 

Sponsors:





 



Euver us

In 1989 es jeugdorkèske begonne bijj de Wieker Fanfaar, toen ‘n aontal leede op ut idee kaome um ouch met de Vastelaovend te goon trötte. Zoe kaome veer tereg bijj Lène en Bart in kaffee “De Piepelaoij” in de Hoegbrökstraot. Veur ‘n zaate herremenie späölde zie toch neet zoe slech, en dat waors aoch de Keemeleers vaan Wieck opgevalle. Langsem mèr zeeker woorte veer hun “Hofkepel”.

“De Piepelaoij” ging tow, en veer mooste op zeuk naor ‘n nuijj lakatie. Us leede-aontal leep oondertösse behuurlik trök.Op è gegeeve momint waore veer zèllefs nog mèr mèt ‘nne maan of twèllef.....mèr veer zien ‘èchte’, en ginge door!!!! Veer kwaome toen tereg bijj “Stadsherberg de Witte vaan Wieck”. In 2000 zien veer tereg gekaome in “kaffee de Gijsbrecht”. In datzèllefde jaor bestoonte veer eine kier èllef jaor, en dat höbbe veer grandioos gevierd in mei 2000 mèt e groet Zjubeleij-fees in de Platte Zaol, en de opname vaan ‘nne èchte professionele cd, getiteld “Maak ‘t mèt!”.

Oondertusse zien veer weer e paar jaor weijer en wijzer…..Nao ‘n “roerige” periode höbbe veer e gans nuijj bestuur gekoze, meh goon toch op de awwe voot weijer. Helaas veur us woort “ de Gijsbrecht” in 2004 verkoch en zien veer snel op zeuk gegaange naor ’n nuijj ‘stammlokaal’. Veer hoofde neet lang te zeuke. Nao 15 jaor zien veer weer trok op de boe ’t allemaol begos: Op de Hoegbrögkstraot, meh noe bijj Sven & Kristel vaan kaffee “ ’t Pruuske”.

Dèks ontsteit de discussie tot veer gein echte Zaate Herremenie zien meh ’t kapel: Veer zien inderdaad allemaol muzikante, meh veer keeze iers veur de lol en ‘t plezeer en daorneve e leuk stukske meziek: tot dat good klink is mètgenoome. En op dees meneer kinne veer get later op d’n aovend netuurlik aoch nog e steekske laote valle…

Geer komp us neet allein met de Vastelaovend tege, meh ’t ganse jaor door. Neet allein in Wiek mèh aoch in ‘groet Mestreech’ en daorboete. Gemiddeld rippetere veer eine kier per maond, nao d’n 11e vaan d’n 11e get dèkser. Door ’t jaor zien veer te herkinne aon de beige hummes en de zwarte jassen. Met de Vastelaovend maag eederein met us mètlaope en zien veer eigelik ein groete bende……mèh toch altied herkinbaar en veer huure daan aoch dèks langs de kant zegke:

“Huur, dat zien die vaan Wiek”!!!